У Партызанскім раёне Мінска з ініцыятывы аднаго з лідэраў кампаніі назірання "Права выбару", намесніка старшыні Руху «За Свабоду» Віктара Янчурэвіча працягваецца збор подпісаў за вынас ліцейных цэхаў Мінскага трактарнага заводу за межы гораду. Зварот будзе накіраваны ў Мінгарсавет і Урад.
«Ліцейная вытворчасць МТЗ з’яўляецца асноўным стацыянарным забруджвальнікам паветра ў Партызанскім раёне. І гэта адчувае кожны жыхар раёна. Якасць паветра адбіваецца на стане здароўя, якасці навакольнага асяроддзя і жыцця. Я прапаную звярнуцца ў Мінгарсавет з ініцыятывай аб вынасе вынесці ліцейных цэхаў МТЗ за межы горада і ва Урад аб выдзяленні фінансавання пад рэалізацыю гэтага рашэння», - распавёў Віктар Янчурэвіч прэсавай службе Руху "За свабоду".
